inflatable turtletip

မေ - ၁၁၊ ၂၀၁၉

MFF Futsal Open Cup 2019 ပြိုင်ပွဲကို ဒီနေ့မနက်ပိုင်းက ရန်ကုန်မြို့ အမျိုးသား အားကစားရုံ ( ၁ ) မှာ စတင် ကျင်းပလိုက်ပါတယ်။

ပြီးခဲ့တဲ့ နှစ်က ပြိုင်ပွဲ ဝင်အသင်းပေါင်း ၅၀ ရှိခဲ့ပေမယ့် ဒီနှစ်မှာတော့ ပြိုင်ပွဲဝင်အသင်းပေါင်း ၃၅ သင်းသာရှိခဲ့ပါတယ်။

ဒီနှစ်ပြိုင်ပွဲမှာ အနိုင်ရတဲ့ အသင်းဟာ လာမယ့် ၂၀၂၀ မှာကျင်းပမယ့် အာရှ ဖူဆယ်ပြိုင်ပွဲကို ဝင်ပြိုင်ခွင့်ရမှာပါ။

ဒီကနေ့ ပြိုင်ပွဲအစမှာတော့ ချန်ပီယံ အသင်း MIU FC နဲ့ RDZ FC တို့က စတင်ယှဉ်ပြိုင်ကစားခဲ့ကြပါတယ်။

မြန်မာ့လက်ရွေးစင် ဖူဆယ်ကစားသမား အများစုပါဝင်တဲ့ MIU FC က ပြိုင်ဘက်အသင်း RDZ FC ကို ၁၂ ဂိုး ၁ ဂိုးနဲ့ အနိုင်ရရှိခဲ့ပါတယ်။

အခုလို Futsal ပွဲစဉ်တွေကျင်းပရတာဟာ ဝါသနာပါတဲ့ လူငယ်ကစားသမားတွေအနေနဲ့ Futsal ရဲ့ ကစားနည်းဥပဒေ တွေကို သိရှိစေဖို့နဲ့ မျိုးဆက်သစ် လက်ရွေးစင် ကစားသမားတွေ ပေါ်ထွက်လာဖို့ ရည်ရွယ်ပြီး ကျင်းပတာဖြစ်တယ်လို့ ဖူဆယ်ဆပ်ကော်မတီဥက္ကဋ္ဌ ဦးကြည်မင်းသိန်း ကပြောပါတယ်။

ဖူဆယ်ပြိုင်ပွဲကို ပြီးခဲ့တဲ့ ၂၀၀၆ ခုနှစ်ကတည်းက စတင်ကျင်းပလာခဲ့တာပါ။

ပွဲစဉ်များကို မေ ၁၁ရက်မှ ၂၇ ရက်အထိ နေ့စဉ်နံနက် ၉နာရီမှစတင်၍ တစ်နေ့လျှင် လေးပွဲ နှုန်း နဲ့ ရန်ကုန်မြို့ အမျိုးသား အားကစားရုံ ( ၁ ) မှာကျင်းပမှာဖြစ်ပါတယ်။

လာရောက်ကြည့်ရှု့လိုတဲ့ ပရိသတ်တွေအတွက် ကွင်းဝင်ကြေးကို ကျပ် ၅၀၀ သတ်မှတ်ထားတယ်လို့သိရပါတယ်။

ရုပ်သံသတင်းထောက် - ယဉ်မွန်

Subscribe to our channel at https://bit.ly/2CVSP6d
Check out our website: http://www.7daydaily.com/
Connect with us at our social media handles:
Facebook: https://www.facebook.com/7DayOnlineTV/
Twitter: https://twitter.com/7Day_TV

မေ - ၁၁၊ ၂၀၁၉

အခန်း တစ်ခန်းထဲမှာ လူတွေအများကြီး ရှိနေလျက်နဲ့ ကိုယ့်တစ်ယောက်တည်း ကွက်ပြီး ခြင်ကိုက်ခံရတာမျိုး ကြုံဖူးပါသလား။

တခြားသူတွေထက် ပိုပြီး ကိုယ့်ရဲ့သွေးက ခြင်တွေကို ဆွဲဆောင်နေတတ်တဲ့ အခြေခံ အကြောင်းရင်းတွေ ရှိပါတယ်။

ဘယ်လို လူတွေက ခြင်တွေရဲ့ အဓိက ပစ်မှတ် ဖြစ်တတ်သလဲ ဆိုတာကို ပညာရှင်တွေက အခုလို ရှင်းပြပါတယ်။

၁။ အားကစား လိုက်စားသူတွေပါ။

ကိုယ်လက် လှုပ်ရှား အားကစား ပြုလုပ်ပြီးချိန်မှာ ခန္ဓာကိုယ်က လက်တစ်အက်ဆစ် ထုတ်ပေးပါတယ်။ အဲဒီအက်ဆစ်က ခြင်တွေကို ဆွဲဆောင်ပါတယ်။

ပြီးတော့ ခြင်တွေက သွေးနွေးပြီး ချွေးထွက်နေသူတွေရဲ့ သွေးကို ပိုခုံမင်ပါတယ်။
၂။ ကိုယ်ဝန်ဆောင် မိခင်လောင်းတွေပါ။

ကိုယ်ဝန်ဆောင် အမျိုးသမီးတွေက ထုတ်လွှတ်တဲ့ ကာဘွန်ဒိုင် အောက်ဆိုက် ဓာတ်ငွေ့သာ သာမန်ထက် ပိုများပါတယ်။ ဒါကလည်း ခြင်တွေ အကြိုက်တွေ့တဲ့ အခြေအနေ တစ်ခု ဖြစ်ပါတယ်။

၃။ အရက်သောက်ထားသူတွေပါ။

အရက်မှာပါတဲ့ အယ်လ်ကိုဟောဟာ ခန္ဓာကိုယ်ရဲ့ ဇီဝကမ္မ ဖြစ်စဉ်တွေကို လှုံ့ဆော် ပြောင်းလဲပေးပါတယ်။

အကျိုးဆက် အနေနဲ့ ကာဘွန်ဒိုင် အောက်ဆိုက် ထုတ်လွှတ်မှု ပိုများပြီး ခြင်တွေ အကြိုက်ဆုံး အစာရင်းမြစ် ဖြစ်လာနိုင်ပါတယ်။

သိထားသင့်တဲ့ အချက်တစ်ခုက ခြင်တွေက ဘီယာသမားတွေရဲ့ သွေးကို ပိုသဘောကျပါတယ်။

၄။ အဝတ်အစားအရောင်နဲ့ ဆိုင်ပါတယ်။

တောက်ပလွန်းတဲ့ အရောင်တွေ၊ ဒါမှမဟုတ် နက်မှောင်လွန်းတဲ့ အရောင်တွေက ခြင်တွေကို ဆွဲဆောင်ပါတယ်။

ပတ်ဝန်းကျင် အလင်းရောင်နဲ့ လိုက်လျောညီထွေ ဖြစ်နေတဲ့ အရောင်မျိုးတွေက ခြင်ကိုက်ခံရမှုကို သက်သာစေပါတယ်။

၅။ အိုသွေးပိုင်ရှင်တွေပါ။

ခြင်တွေက အိုသွေးအုပ်စုဝင် လူသားတွေရဲ့ သွေးကို ပိုပြီး ခုံမင်ကြောင်း သုတေသန ရလဒ်တွေက ညွှန်ပြနေပါတယ်။

အေသွေးသမားတွေနဲ့ ယှဉ်ရင် အိုသွေးသမားတွေက ခြင်ကိုက်ခံရနိုင်ခြေ နှစ်ဆထိ ပိုများနိုင်ပါတယ်။

Subscribe to our channel at https://bit.ly/2CVSP6d
Check out our website: http://www.7daydaily.com/
Connect with us at our social media handles:
Facebook: https://www.facebook.com/7DayOnlineTV/
Twitter: https://twitter.com/7Day_TV

မေ - ၁၂၊၂၀၁၉

သုသုလို့ ပရိသတ်တွေချစ်ကြတဲ့ ညီညီမောင်(စမ်းချောင်း)ကတော့ လက်ရှိမှာ အချစ်ရေးကြောင့် စိတ်ချမ်းသာနေတယ်လို့ ဖွင့်ဟလာပါတယ်။

ဒါပေမယ့်လည်း လက်ရှိအချစ်ရေးကို ချပြမှာမဟုတ်ဘဲ နှစ်ဦးတည်းသိတဲ့ အချစ်ရေးအဖြစ်သာ ဖန်တီးသွားချင်တယ်လို့ ပြောပါတယ်။

လာမယ့်ဇူလိုင်မှာ ရုပ်ရှင်ရိုက်ကူးရေးတစ်ခုကို လက်ခံထားပြီး သူပါဝင်သရုပ်ဆောင်ထားတဲ့ ကျားကျားကြိုက်ကြိုက် ရုပ်ရှင်ဇာတ်ကားကြီးကိုတော့ အောက်တိုဘာထဲမှာ ရုံတင်ပြသသွားမယ်လို့ သိရပါတယ်။

ရုပ်သံသတင်းထောက် - အေးမြတ်

Subscribe to our channel at https://bit.ly/2CVSP6d
Check out our website: http://www.7daydaily.com/
Connect with us at our social media handles:
Facebook: https://www.facebook.com/7DayOnlineTV/
Twitter: https://twitter.com/7Day_TV

မေ - ၁၁၊ ၂၀၁၉

ပရိသတ်တွေအားကျရတဲ့ မိသားစုဘဝလေးကို ထူထောင်ထားတဲ့ အကယ်ဒမီလူမင်းနဲ့ခင်စံပယ်ဦးတို့ က သူတို့နှစ်ဦးရဲ့ အိမ်ထောင်ရေးကို နားလည်မှုကိုအခြေခံပြီးတည်ဆောက်ထားတာလို့ ဆိုလာပါတယ်။

ဇနီးဖြစ်သူဟာ မိမိထက် ၁၄ နှစ်လောက်ငယ်ရွယ်တာဖြစ်ပေမယ့်လည်း နားလည်မှု အပြည့်အဝပေးနိုင်တဲ့ ဇနီးကောင်းတစ်ဦးဖြစ်တဲ့အကြောင်း အကယ်ဒမီလူမင်းက ပြောပါတယ်။

ပရိတ်သတ်တွေအားကျ ရတဲ့ ပျော်ရွင်စရာ မိသားစုလေးကို ဘယ်လိုတည်ဆောက်ထားလဲဆိုတာကို အကယ်ဒမီ လူမင်းတို့ ဇနီမောင်နှံ ပြောပြထားတာကို ပြန်လည်ဝေမျှပေးလိုက်ပါတယ်။

ရုပ်သံသတင်းထောက် - အေးမြတ်

Subscribe to our channel at https://bit.ly/2CVSP6d
Check out our website: http://www.7daydaily.com/
Connect with us at our social media handles:
Facebook: https://www.facebook.com/7DayOnlineTV/
Twitter: https://twitter.com/7Day_TV

ေမ ၁၁၊ ၂၀၁၉

7Day TV ရဲ့ 7PM News တိုက်ရိုက်ထုတ်လွှင့်မှု အစီအစဉ်ကနေ ဒီနေ့ညနေခင်းရဲ့ နောက်ဆုံးရ ပြည်တွင်းနဲ့ နိုင်ငံတကာသတင်းတွေကို တင်ဆက်ပေးမှာ ဖြစ်ပါတယ်။

Subscribe to our channel at https://bit.ly/2CVSP6d
Check out our website: http://www.7daydaily.com/
Connect with us at our social media handles:
Facebook: https://www.facebook.com/7DayOnlineTV/
Twitter: https://twitter.com/7Day_TV

မေ-၁၂၊၂၀၁၉

ဇွဲကပင်တောင်တက်ကားလမ်းဖောက်လုပ်မှုကို မဖြစ်မနေ ဆက်လက်ဖောက်လုပ်သွားမယ်လို့ ဇွဲကပင်တောင်ဆရာတော် ဦးကဝိဓဇက မိန့်ကြားလိုက်ပါတယ်။

ကရင်ပြည်နယ် ဘားအံမြို့ ဇွဲကပင်တောင်အရှေ့ဘက်က တောင်တက်ကားလမ်းဖောက်လုပ်မှုဟာ လက်ရှိမှာတော့ သုံးပုံနှစ်ပုံလောက်ပြီးစီးပြီလို့ ဆရာတော်ကမိန့်ကြားပါတယ်။

ဇွဲကပင်တောင်ပေါ်ကို ကားနဲ့တက်ရောက်နိုင်ဖို့အတွက် ပျံလွန်တော်မူသွားပြီဖြစ်တဲ့ မြိုင်ကြီးငူဆရာတော်ကဦးစီးပြီး ပြီးခဲတဲ့ ၂၀၁၇ ခုနှစ်က ဇွဲကပင်တောင်အရှေ့ဘက် ဗျိုင်းတောင်ရွာကနေ ပညာရှင်တွေမပါပဲ စတင်ဖောက်လုပ်ခဲ့တာပါ။

တောင်တက်လမ်းဖောက်လုပ်မှုကို ကရင်ပြည်နယ်အစိုးရအဖွဲ့က သဘာဝပတ်ဝန်းကျင်ထိခိုက်တယ်ဆိုပြီး အကြိမ်ကြိမ်သွားရောက်တားမြစ်ခဲ့တယ်လို့ သိရပါတယ်။

တောင်တက်လမ်းဖောက်လုပ်မှုကို သယံဇာတနဲ့ သဘာဝပတ်ဝန်းကျင် ထိန်းသိမ်းရေးဝန်ကြီးဌာနက ခွင့်မပြုတဲ့အကြောင်းကို ပြည်နယ်သစ်တောဦးစီးဌာနက သွားရောက်ပြီး ဆက်မလုပ်ဖို့ လမ်းဖောက်လုပ်တဲ့အဖွဲ့ကို ပြီးခဲ့တဲ့ဧပြီလကုန်ပိုင်းက သွားပြောခဲ့သေးတယ်လို့ ကရင်ပြည်နယ်အစိုးရ သစ်တောနဲ့ လမ်းပန်ဆက်သွယ်ရေးဝန်ကြီးက ဆိုပါတယ်။

တောင်တက်ကားလမ်းပေါ်မှာတော့ လက်နက်ကိုင်အဖွဲ့အစည်းတစ်ခုက လုံခြုံရေးတာဝန်ယူထားတာကိုလည်း တွေ့ရမှာပါ။

လက်ရှိအချိန်မှာတော့ လမ်းကျဉ်းကြပ်တဲ့နေရာရောက်နေတာနဲ့ လမ်းဖောက်လို့ လွင့်စင်လာတဲ့ကျောက်ခဲတွေက အောက်မှာရှိတဲ့ အထက်ရေတံခွန်ကျောင်းကို ထိမှန်ခဲ့တဲ့အတွက် တောင်တက်လမ်းဖောက်လုပ်မှုကို ယာယီရပ်နားထားတယ်လို့ သိရပါတယ်။

ဇွဲကပင်တောင်ပေါ်က မှန်ချခင်းရင်ပြင်တော်ကိုလည်း ဆက်မလုပ်ဖို့ ပြည်နယ်အစိုးရအဖွဲ့က ဝေဖန်တားမြစ်ထားပေးမယ့် ဇွဲကပင်တောင်ဆရာတော်ကတော့ ပြီးခဲ့တဲ့ရက်ပိုင်းက ဖွင့်လှစ်လိုက်ပါတယ်။

ရုပ်သံသတင်းထောက် - စောအောင်မင်းဦး


Subscribe to our channel at https://bit.ly/2CVSP6d
Check out our website: http://www.7daydaily.com/
Connect with us at our social media handles:
Facebook: https://www.facebook.com/7DayOnlineTV/
Twitter: https://twitter.com/7Day_TV

မေ-၁၂၊၂၀၁၉

မစိမ့်ထက်ရဲ့ ဖြစ်စဉ်လို ရေခဲတောင်တက်ရင်းပေါ်ပေါက်လာရင် ကယ်ဆယ်ရေးပြုလုပ်နိုင်ဖို့ အရေးပေါ်ကယ်ဆယ်ရှာဖွေရေး အဖွဲ့တစ်ဖွဲ့ကိုအမြန်ဆုံးဖွဲ့စည်းသွားမယ်လို့သိရပါတယ်။

့ မြန်မာနိုင်ငံခြေလျင်နဲ့တောင်တက် အဖွဲ့ချုပ်က အတွင်းရေးမှူး ကပြောကြားလိုက်တာပါ.

အခုနောက်ပိုင်း မြန်မာနိုင်ငံမှာ တောင်တက်အားကစားဟာ ပိုမိုဖွံ့ဖြိုးလာတာကြောင့် အရေးပေါ်တစ်စုံတစ်ရာဖြစ်လာတဲ့အခါ ဦးဆောင်သွားတဲ့အဖွဲ့အစည်းတွေရဲ့ တာဝန်ယူမှုတာဝန်ခံမှုက များစွာအရေးပါတယာ်လို့ ပြောကြားခဲ့တာပါ။

ပြီးခဲ့တဲ့ ဧပြီလ၁၂ရက်က ဖန်ရန်ရာဇီရေခဲတောင်ပေါ်ကနေပြုတ်ကျခဲ့တဲ့ မစိမ့်ထက်ကို ပထမဆုံး ရှာဖွေကယ်ဆယ်ရေးအဖြစ် မြန်မာနိုင်ငံ ခြေလျင်တောင်တက် အဖွဲ့ချုုပ်နဲ့မြင်းစီးအဖွဲ့အားကစားအဖွဲ့ချုပ်မှ ဒုတိယဥက္ကဌကဦးဆောင်ပြီး ရှာဖွေကယ်ဆယ်ရေးလုပ်ငန်းတွေပြုလုပ်ခဲ့တာပါ။

ရှာဖွေရေးလုပ်ငန်းအတွင်းမှာ ရာသီဥတုဆိုးရွားလာတာကြောင့် အဖွဲ့နှစ်ဖွဲ့ခွဲပြီး ဒေသခံလမ်းပြတွေရဲံ အကူအညီနဲ့ မစိမ့်ထက်ပြုတ်ကျရာ လမ်းကြောင်းတစ်လျှောက်မှာ သူမရဲ့ မျက်မှန်နဲ့ အနွေးအကျီံကိုတော့ တော့ ပြန်လည်ရှာဖွေတွေ့ရှိခဲ့တယ်လို့ သိရပါတယ်။

မစိမ့်ထက်ပြုတ်ကျရာလမ်းကြောင်း တစ်လျှောက်ဟယ ပေပေါင်း၅၀၀၀လောက်မြင့်မားတာကြောင့် သူမကိုတော့ မတွေ့ရှိရသေးပါဘူး။

ဒေသခံ လမ်းပြတွေရဲ့အဆိုအရတော့ အမြင့်ပေမြင့်မားလွန်းတာကြောင့် တောင်အောက်မှာစီးဆင်းနေတဲ့ချောင်းရိုအတိုင်းပါဝင်သွားနိုင်တယ်လို့ယူဆနေကြတာပါ။

မစိမ့်ထက်ဟာ ဖန်ဂရန်ရာ ဇီရေခဲတောင်ကို တောင်တက်အ ဖွဲ့ဝင် ၂၀ ဦးပါဝင်သည့် The Summiter အဖွဲ့နဲ့ဧပြီ ၆ ရက် မှာ ပူတာအိုမြို့ ဇီယာဒမ်းကျေး ရွာကစတင်ထွက်ခွာပြီး ဧပြီ ၁၂ ရက်နံနက် ၈ နာရီ မိနစ် ၂၀ တွင်တောင်ထိပ်သို့
အောင်မြင်စွာ တက်ရောက်နိုင်ခဲ့တာပါ။

အဲ့ဒီ့နောက်မှာတော့ တောင်ထိပ်မှပြန်ဆင်းနေစဉ် ခြေချော်ပြီး ပေ ၅,၀၀၀ ခန့်ရှိတဲ့ ချောက်အတွင်းကို ပြုကျခဲ့ခြင်းဖြစ်ပါတယ်။

ရုပ်သံသတင်းထောက် -မိုးညို

Subscribe to our channel at https://bit.ly/2CVSP6d
Check out our website: http://www.7daydaily.com/
Connect with us at our social media handles:
Facebook: https://www.facebook.com/7DayOnlineTV/
Twitter: https://twitter.com/7Day_TV

ေမ ၁၀၊ ၂၀၁၉

7Day TV ရဲ့ 7PM News တိုက်ရိုက်ထုတ်လွှင့်မှု အစီအစဉ်ကနေ ဒီနေ့ညနေခင်းရဲ့ နောက်ဆုံးရ ပြည်တွင်းနဲ့ နိုင်ငံတကာသတင်းတွေကို တင်ဆက်ပေးမှာ ဖြစ်ပါတယ်။

Subscribe to our channel at https://bit.ly/2CVSP6d
Check out our website: http://www.7daydaily.com/
Connect with us at our social media handles:
Facebook: https://www.facebook.com/7DayOnlineTV/
Twitter: https://twitter.com/7Day_TV

မေ - ၁၁၊ ၂၀၁၉

အီရတ်နိုင်ငံရဲ့ လမ်းသွယ်တစ်ခုပေါ်မှာ စာသင်ကျောင်းတစ်ကျောင်းကိုဖွင့်လှစ်ထားပါတယ်။

ပလပ်စတစ်ထိုင်ခုံတွေ အစီအရီချထားတဲ့ အဲဒီစာသင်ကျောင်းဟာ အီရတ်နိုင်ငံ မြို့တော် ဘဂ္ဂဒက်ရဲ့ မြောက်ဘက် မိုင် ၁၄၀ ကျော် အကွာမှာရှိတဲ့ ကီရာကွတ်မြို့ငယ်လေးရဲ့ လမ်းပေါ်မှာ တည်ရှိနေတာပါ။

စာသင်ကျောင်း တည်ထောင်သူကတော့ အသက် ၇၀ အရွယ် အငြိမ်းစားတစ်ဦးဖြစ်တဲ့ ခါမစ်အလီဖြစ်ပါတယ်။

အလီဟာလမ်းပျော်ကလေးတွေ နဲ့ ဗီဒီယိုဂိမ်းကို စွဲလမ်းနေတဲ့ ကလေးငယ်တွေကိုတွေ့ရှိရာကနေ စာသင်ကျောင်းတစ်ခုကို ထူထောင်ဖို့ စိတ်ကူးရခဲ့တာလို့ဆိုပါတယ်။

ဒါပေမယ့် ငွေကြေးအရ အခက်အခဲရှိတာကြောင့် အလီဟာ စာသင်ကျောင်းကို သူရဲ့အိမ်ရှေ့ လမ်းပေါ်မှာပဲ ဖွင့်လှစ်ခဲ့ရတာပါ။

လက်ရှိမှာတော့ အလီရဲ့စာသင်ကျောင်းမှာ စာသင်သားဦးရေ ၅၀ လောက်ရှိလာပါပြီ။ တချို့စာသင်သားတွေဆို နေရာခပ်ဝေးဝေးက လာတက်တာမျိုးတွေတောင်ရှိတယ်လို့သိရပါတယ်။

စာသင်သားတွေကိုတော့ အလီက အီရတ်နိုင်ငံရဲ့ လက်ရှိဖြစ်ပျက်နေတဲ့အနေအထားနဲ့ ကီရာကွတ်မြို့ငယ်လေး ရဲ့သမိုင်းကြောင်းတွေကို သင်ကြားပေးနေတယ်လို့ဆိုပါတယ်။

ဒါအပြင် သိပ္ပံဘာသာရပ်နဲ့ သချာၤဘာသာရပ်တွေကိုလည်း ထပ်ဆောင်းသင်ပေးပါသေးတယ်။

အခုတော့ စာသင်သားတွေဟာ လွတ်လပ်ပြီး လေကောင်းလေသန့်ရတဲ့ လမ်းပေါ်ကစာသင်ကျောင်းကို သဘောကျလာတယ်လို့ အလီကပြောပါတယ်။

ဒါကြောင့် လတ်တလောယာယီလို့ဖွင့်ထားရတဲ့ သူရဲ့စာသင်ကျောင်းကို ပညာသင်နှစ်အလိုက်ဖွင့်နိုင်ဖို့ ကြိုးပမ်းမယ်လို့ အလီ က ရည်မှန်းထားနေပါပြီ။

Subscribe to our channel at https://bit.ly/2CVSP6d
Check out our website: http://www.7daydaily.com/
Connect with us at our social media handles:
Facebook: https://www.facebook.com/7DayOnlineTV/
Twitter: https://twitter.com/7Day_TV

မေ - ၁၂၊၂၀၁၉

ဟိန်းဝေယံက ဒီကနေ့ အသက်သုံးဆယ်ပြည့် မွေးနေ့မှာ ရန်ကုန်ဆေးရုံကြီးမှာရှိတဲ့ လူ ၁၂၀၀စာအတွက် မနက်စာခေါက်ဆွဲကြော်နဲ့အအေးတွေကို လှူဒါန်းခဲ့ပါတယ်။

ထိပ်စည်းပြောင်းသွားတဲ့ ဟိန်းဝေယံက အရင်ကထက်ပိုပြီးရင့်ကျက်လာသလို ရှေ့ဆက်ပြီး ကိုယ့်ကိုယ်ကိုအမှားနည်းအောင်နေဖို့ ဆင်ခြင်မိတယ်လို့လည်း ပြောပါတယ်။

မွေးနေ့က အမေများနေ့နဲ့တိုက်နေလို့ ဝမ်းသာမိသလို မိဘအားကိုးရတဲ့သားကောင်းဖြစ်အောင် ကြိုးစားနေတယ်လို့လည်း ဟိန်းဝေယံကပြောပါတယ်။

အနုပညာနဲ့ပတ်သက်ပြီး လုပ်ချင်တာလေးတွေကို အကောင်အထည်ဖော်သွာဖို့ ရှိပြီး မွေးနေ့ဆုတောင်းပေးကြတဲ့ ပရိသတ်တွေကိုလည်း ကျေးဇူးတင်တယ်လို့ ဟိန်းဝေယံက ဆိုခဲ့တာပါ။

ရုပ်သံသတင်းထောက် - အေးမြတ်

Subscribe to our channel at https://bit.ly/2CVSP6d
Check out our website: http://www.7daydaily.com/
Connect with us at our social media handles:
Facebook: https://www.facebook.com/7DayOnlineTV/
Twitter: https://twitter.com/7Day_TV